YARD Business Club a’zolari Fonon zargarlik uyiga tashrif buyurishdi

Tashrif davomida mehmonlar FONON zavodining ishlab chiqarish jarayonlari bilan tanishdilar. Ularga zargarlik buyumlari yaratilishining asosiy bosqichlari — 3D-loyihalashdan tortib, tayyor mahsulotning yakuniy sifat nazoratigacha bo‘lgan jarayonlar namoyish etildi.

Shuningdek, ishtirokchilarga zamonaviy uskunalar, xalqaro standartlar asosida yo‘lga qo‘yilgan ishlab chiqarish tizimi hamda korxonaning texnologik imkoniyatlari haqida batafsil ma’lumot berildi.

Ekskursiya yakunida mehmonlar FONON shourumiga tashrif buyurib, brend kolleksiyalari bilan yaqindan tanishishdi va o‘zlarini qiziqtirgan savollarga javob olishdi.