FONON bosh hamkor sifatida Sumalak Party 2026 tadbirida ishtirok etdi. Tadbir Women Talk — ayollar hamjamiyati tomonidan tashkil etildi.

Ushbu uchrashuv bahoriy kayfiyat, milliy ruh, samimiy muloqot va yorqin lahzalarni birlashtirdi. Qadriyatlar va zamonaviy atmosfera uyg‘unlashgan ushbu kun mehmonlarga go‘zal muhitdan zavqlanish, yangi tanishuvlar orttirish hamda bayram kayfiyatini chuqur his etish imkonini berdi.

FONON uchun bu hamkorlik nafaqat tadbirda ishtirok etish, balki brend qadriyatlarining yana bir ifodasi bo‘ldi. Zargarlik uyi sifatida FONON nafosat, ayollik, estetik did va go‘zal an’analarni qadrlaydi. Shu bois bunday tadbirlarning bir qismi bo‘lish brend uchun zargarlik san’ati, iliq insoniy aloqalar va ilhomlantiruvchi muhitni bir makonda uyg‘unlashtirish demakdir.